काठमाडौं । बीमा कम्पनीका एक नायब प्रमुख कार्यकारी अधिकृत (डेपुटी सीईओ) ले काठमाडौं महानगरपालिकाका मेयर बालेन्द्र शाह (बालेन) लाई विभिन्न सुझाव दिएका छन् । शाहलाई रिलायन्स लाइफका डेपुटी सीईओ निराजन कँडेलले विभिन्न ५ वटा बुँदासहितको सुझाव दिएका हुन् ।
कँडेलका अनुसार जोश, उत्साह र केहि गर्न इच्छुक देखिने मेयर शाहले तत्काल आफ्नो योग्यता प्रमाणित गराउन आवश्यक रहेको छ । बैंक तथा वित्तीय क्षेत्रमा १६ वर्ष काम गरेका तथा व्यवस्थापन तहको समेत अनुभव बटुलिरहेका कँडेलले शाहलाई सबै कुरा व्यवस्थापन गर्ने कोशिस नगर्न आग्रह गरेका छन् ।
यस्ता छन् सुझाव
प्रणाली बुझ्न अलिकति समय निकाल्नुहोस् । प्रणाली र प्रक्रियाहरू बुझेका मानिसहरूलाई सुन्नुहोस् ।
सबै कुरा व्यवस्थापन गर्ने कोशिस नगर्नुस् । किनभने सबै व्यवस्थापन राम्रो हुन सक्दैन ।
एकैपटक पूर्ण बनाउने प्रयास नगर्नुहोस् । खराब परम्परा र प्रणालीलाई एकैचोटि तोड्न गाह्रो हुन्छ । एकैपटक हटाउन सकिन्न । त्यसैले तपाईले यो प्रक्रिया क्रमिक छ भनेर बुझ्न जरुरी छ ।
सबैभन्दा महत्वपूर्ण कुरा, पहिले नै यस्तो एक्सपोजर भएको कसैलाई सल्लाहकार/गाइडरको रुपमा लिनुहोस् । उनीहरुलाई सुन्नुहोस् । जसले तपाईंलाई मार्गदर्शन गर्न सक्छ ।
यो उपलब्धि केवल एक सानो उपलब्धि हो । धेरै चलाख मानिसहरू त्यहाँ छन् । महशुस गर्नुहोस् कि तपाईंले वास्तवमै धेरै सिक्नु आवश्यक छ । मेयर बन्नु एउटा सानो उपलब्धिसँगै तपाईंले धेरै लामो यात्रा गर्न बाँकी छ । यसलाई महशुस गरेर अघि बढ्नुभयो भने नम्रता स्वतः आउँछ ।
अन्त्यमा, कसैले भने जस्तै ठूलो शक्तिको साथ ठूलो जिम्मेवारी आउँछ । हामी तपाईंमा विश्वास गर्छौं र हामीलाई थाहा छ की तपाईंले हामीलाई कहिल्यै निराश पार्नु हुने छैन ।
(सामाजिक सञ्जालबाट)
