कलेजका प्रिन्सिपललाई हिन्दु भएकै कारण जुत्ताको माला

काठमाडौं, १६ असार २०७९ । बंगलादेशमा नाराइल सदर उप जिल्ला स्थित मिर्जापुर यूनाइटेड कलेजका प्रिन्सिपललाई हिन्दु भएकै कारण जुत्ताको माला लगाइएको (17 जून 2022) घटनाप्रति राष्ट्रिय एकता अभियानको गम्भीर ध्यानाकर्षण भएको जनाएको छ । अभियानले बिहीबार एक विज्ञप्ति जारी गर्दै साे घटनाप्रति दु:ख ब्यक्त गरेकाे हाे ।

बंगलादेश र पाकिस्तानमा हिन्दुत्वबिरोधि जिहादी घटनाहरू पटक पटक हुनुले ती सरकारहरू हिन्दुहरूको सुरक्षाको विषयमा अति गैरजिम्मेवार रहेको देखिएकाे अभियानका अध्यक्ष विनय यादवले बताए । उनले एक विज्ञप्ति जारी गर्दै भनेका छन्, “ती सरकारहरूले जिहादीहरूको गतिविधिमा रोक लगाउन अक्षम देखिएको हुनाले राष्ट्रिय एकता अभियान पाकिस्तान र बङ्लादेशका अल्पसंख्यक हिन्दूहरूको सुरक्षाको लागि ती मुलुकहरूमा अन्तर्राष्ट्रिय हस्तक्षेपको माग गर्दछ ।”

त्यस कलेजको एक छात्रले भाजपा नेत्रृ नूपुर शर्माको फोटो फेसबुकमा पोस्ट गरेको थियो । कलेजमा त्यस छात्रलाई केही मुस्लिम छात्रहरूले पोस्ट डिलिट गर्न डरधम्की देखाई दबाव दिएका थिए । यसमा प्रिन्सिपलले छात्रको पक्ष लिएको भन्दै जिहादी छात्रहरूले दुई शिक्षकहरूको मोटरसाइकलमा आगो लगाएका थिए । यसपछि ती छात्रहरू र स्थानीय जिहादीहरूले धर्मको अपमान गरेको आरोप लागउँदै प्रधानाध्यापक स्वपन कुमार विश्वासलाई जुत्ताको माला लगाई अपमान गरेका थिए ।