काठमाडौं । नेकपा एकीकृत समाजवादीका अध्यक्ष माधवकुमार नेपालले नेकपा एमाले अब एमाले पार्टी नभएको बताएका छन् । शनिवार गोरखामा आयोजित एक कार्यक्रममा ओलीले एमाले अब एमाले नरहेको भन्दै मुल पार्टी एकीकृत समाजवादी भएको दाबी गरेका छन् ।
अध्यक्ष नेपालले आफ्नो पार्टी तत्कालीन नेपाल कम्युनिस्ट पार्टी (नेकपा)को निरन्तरता भएको समेत बताएका छन् । आफूहरू मूलधारको पार्टी भएकाले सबैले एकीकृत समाजवादीको महत्व बुझिसकेको बताएका छन् ।
नेपालले अरु पार्टी छाडेर एकीकृत समाजवादी प्रवेश गर्नेहरूको लहर चलेको बताउँदै साना–साना खोला खोल्सीहरु मूल प्रवाहमा जोडिँदै गएको बताएका छन् । उनले तत्कालीन नेकपामा पुष्पलालले विद्रोह गरेजस्तै आफूहरूले एमालेबाट विद्रोह गरेको बताएका छन् ।
नेपालले एमालेमा रहँदा केपी शर्मा ओली सुध्रिन्छन् कि भनेर प्रयत्न गरेको, तर उनी नसुध्रिएको जिकिर गरेका छन् । ओलीले पार्टीका बहुमत मान्छेहरूलाई आफ्नो हातमा राखेर पार्टीलाई नै प्राइभेट कम्पनी जस्तो बनाएको नेपालको आरोप छ ।
