पाकिस्तानमा डरलाग्दो घटना: सिन्ध सहरमा दुई महिलाको अपहरणपछि सामूहिक बलात्कार

कराँची । सिन्धको मिरपुरखास जिल्लाको नौकोट सहर नजिकैको गाउँमा दुई महिलालाई अपहरण गरी नग्‍नरुपमा दौडाएर सामूहिक बलात्कार गरिएको एउटा डरलाग्दो घटना सार्वजनिक भएको छ।
शनिबार अबेर राति नौकोट थानामा रहेका मोहम्मद हनिफ राजपुतको घरबाट १६ माइलको नफीस नगरस्थित टांगरी समुदायका २० जनाभन्दा बढीले अपहरण गरेको स्रोतले जनाएको छ। टांगरी समुदायकी एक युवतीले घर छोडेर राजपूत समुदायका केटासँग विवाह गरेपछि उक्त घटना भएको स्थानीय स्रोतले जानकारी दिएको छ। घटनापछि टांगरीका जनताले बदलास्वरुप यस्तो गरेको पाइएको छ।
सामूहिक बलात्कार मुद्दामा दुई जना पक्राउ परेका छन्
। पाकिस्तान पिपुल्स पार्टीका प्रान्तीय सभा सदस्य (एमपीए) मीर तारिक तालपुरले उक्त क्षेत्रमा पुगेर अपहरणमा परेका दुवै महिलाको प्रहरीको सहयोगमा करिब २० घण्टापछि उद्धार गरेका थिए।

उद्धार गरिएका महिलाहरूलाई स्वास्थ्य परीक्षणका लागि नौकोटको ग्रामीण स्वास्थ्य केन्द्रमा ल्याइएको थियो, जहाँ प्रारम्भिक परीक्षणमा डा. जेबनिसा कोलाचीले दुवै पीडित महिलामाथि कुटपिटसमेत भएको पुष्टि गरेका थिए।

पीडितले सञ्चारकर्मीसँग कुरा गर्दै टांगरी समुदायका मानिसहरूले अपहरण गरेर आफ्नो क्षेत्रमा लगेर केही घण्टासम्म सामूहिक बलात्कार गरेको गुनासो गरे। “हामी दुबैलाई नांगो पारिएको थियो, नांगै दौडिन गर्न बाध्य पारिएको थियो र त्यसपछि अज्ञात स्थानमा थुनामा राखी धेरै घण्टासम्म धेरै यातना दिँदै बलात्कार गरेका थिए,” उनीहरूले थपे।

मोहम्मद हनिफ राजपुतको घरमा हमला, तोडफोड र त्यसपछि टांगरी समुदायका कुख्यात व्यक्तिहरूले बन्दुकको नोकमा उनीहरूका दुई महिलालाई लगेको पीडितका आफन्तले बताएका छन्।
यस क्षेत्रमा पहिलेदेखि नै आपराधिक गतिविधिमा संलग्‍न रहेका हतियारधारीलाई पक्रन नौकोट प्रहरीले नचाहेको स्थानीयहरुको आरोप छ ।

पीपीपी एमपीएले डीएसपी, एसएचओ र अन्यलाई दबाब दिएपछि अपहरण गरिएको महिलाका पति अली रजा राजपूतको उजुरीको आधारमा आरोपीहरू विरुद्ध पाकिस्तान दण्ड संहिताको प्रासंगिक धाराहरू अन्तर्गत पहिलो सूचना रिपोर्ट (एफआईआर) दर्ता गरिएको छ। thenews