शुभ नारायण यादव-
सप्तरी । सप्तरीमा विद्यालयको भवन भत्काउन आर्थिक चलखेल भएको आरोप लागेको छ ।
सप्तरीको महादेवा गाउँपालिका वडा नं. १ स्थित नर बहादुर थापा जनता माध्यमिक विघालय पकरी गोठ सोनराको भवन भत्काउन आर्थिक चलखेल भएको स्थानियले आरोप लगाएका छन् ।
आर.आर.एन.को सहयोगमा निर्माण भएको दुई कोठे भवनलाई भत्काएर सोही ठाउँमा प्रदेश सरकारको सहयोगमा ५० लाखको लागतमा दुई कोठे भवन बनाउन लागेको सोही विघालयका अभिभावक बिधानन्द यादवले सञ्चारकर्मीलाई बताए ।
आरÞआरएनÞको सहयोगमा केही वर्ष अघि १२ लाखको लागतमा निर्माण भएको दुई कोठे भवनलाई भत्काएर सोही ठाउँमा भवन बनाउन वजेट ल्याउने सुरेन्द्र यादव, उपभोक्ता समितिका अध्यक्ष हरि नारायण यादव, विघालय ब्यवस्थापन समिति अध्यक्ष सन्तोष यादव, इन्द्रदेव यादव, जोगेन्द्र यादव लगायतसंग महादेवा गापाका अध्यक्ष दिपक कुमार यादव, पुर्व विघालय ब्यवस्थापन समिति अध्यक्ष महेन्द्र यादवले आर्थिक लेनदेनमा भवन बनाउन सहमत भएको श्रोतको दावी छ ।
सहमती नभएको समयमा महादेवा गापाका अध्यक्ष दिपक कुमार यादवले विघालयको भवन नभत्काउन पत्राचार गरेर रोक लगाएको थियो ।
आरआरएनको सहयोगमा निर्माण भएको दुई कोठे भवन अझै लामो समयसम्म सो कोठावाट पठन पाठन योग्य रहेको प्राविधिक बताउँछन । यस सम्बन्धमा महदेवा गाउँपालिकाका अध्यक्ष दिपक कुमार यादवसँग सम्पर्क गर्दा उनको मोबाइल रिसिभ भएन ।
