जनकपुरधाम । आज जनकपुरधाममा भव्यतासाथ भइरहेको सीताराम विवाहपञ्चमी महोत्सवलाई मध्जनजर गरी सुरक्षा व्यवस्था कडा बनाइएको छ ।
विवाहपञ्चमी महोत्सवमा हुने पाकेटमारी, चोरी, लुटपाट जस्ता सम्भावित अप्रिय घटना हुन नदिन व्यापक मात्रामा सुरक्षाकर्मी परिचालन गरिएको धनुषाका प्रहरी उपरीक्षक (एसपी) बसन्त राजौरेले टुडेपाटीलाई जानकारी दिए ।
जनकपुर नगर क्षेत्रमा झण्डै २ हजार सुरक्षाकर्मी परिचालन गरिएको छ । एसपी रजौरेले जनकपुर नगर क्षेत्रमा १३ सयको संख्यामा नेपाल प्रहरी परिचालन गरिएको बताए ।
यस्तै ६ सयको संख्यामा शसस्त्र प्रहरी परिचालन भएको शसस्त्र प्रहरी धनुषाका प्रमुख (एसपी) नरेन्द्र सेनले टुडेपाटीलाई जानकारी दिए ।
त्रेता युगमा जस्तै सप्ताहव्यापी सीताराम विवाहपञ्चमी महोत्सवको पाँचौदिन आज जनकपुरमा राम र जानकीको डोलाफेलर गरी स्वयम्बर र विवाह गरी विवाहपञ्चमी महोत्सवमा भव्यताका साथ मनाइँदै छ ।
विवाहपञ्चमी महोत्सवा अवलोकन गर्न देशका विभिन्न भाग तथा भारतबाट लखौं श्रद्धालुभक्तजन जनकपुर आएका छन् । जनकपुरमा अहिले बेगल्ले उल्लास रहेको छ ।
