रंगेहात पक्राउ परेका गोलबजार नपाको जेसीबी र अन्यको संलग्नता बिषयमा अनुसन्धान हुँदै

संजय यादव, सिरहा
१४ असोज, २०७८
चोरी पैठारीमा रंगेहात पक्राउ परेका सिरहाको गोलबजार नगरपालिकाको जेसीबी सहित चालक र चोरीमा संलग्न रहेकाहरूको बारेमा अनुसन्धान भईरहेकोे डिभिजन वन कार्यालय सिरहा, लहानले जनाएको छ । डिभिजन वन कार्यालय सिरहा, लहानका निमित प्रमुख गंगाप्रसाद यादवले यस सम्बन्धमा जिल्ला अदालत सिराहाबाट बुधबार पाँच दिनको म्याद थप भई अनुसन्धान भईरहेकोे बताए । निमित प्रमुख वन अधिकृत यादवले भने, यसै सम्बन्धमा सत्यतथ्य घटनाकोे अनुसन्धानकोलागि मिर्चैया सव–डिभिजन वन कार्यालयका प्रमुख सत्यनारायण यादवलाई अनुसन्धान अधिकृत तोकी खटाईएको बताए । अनुसन्धान अधिकृतलाई आवश्यक सहयोग महसुस भएको खण्डमा अन्यसंग सहयोग लिन सक्ने बताए । यता अनुसन्धान अधिकृत सत्यनारायण यादवले आज बिहिबारबाट अनुसन्धान सुरु गरिसकेको बताए । उनले भने, आफूले सत्यतथ्य अनुसन्धान गरी वास्तविकता बाहिर ल्याउने प्रतिबद्धता जनाए । गोलबजार नपा वार्ड ९ को जोभा प्राकृतिक वनमा सरकारी टाकाँ सहित घाटगद्दी गरेको काठकोे स्थलगत लगायत स्थानीयहरूको सहयोगले अगाडि बढ्ने बताए । गोलबजार नपा ९ मा पर्ने जोभा प्राकृतिक वनबाट ३४÷७ नम्बरको सरकारी टाँका लागेको सखुवाको गोलिया र चालक श्रवण कुमार साहलाई स्थानीयले सोमबार राति करिब ९ बजे पक्रेर मिर्चैया प्रहरीको जिम्मा लगाएको थियो ।

जेसीबी चालक साहले आफूलाई गोलबजार नपाको वडा नम्बर ९ का वडा अध्यक्ष रामपुकार कामतीले सखुवाको काठ लिएर जान भनेपछि लग्दै गरेको गरेको बताएको थियो । यसलाई सामाजिक रुपमै मिलाउनको लागि मंगलबार गोलबजार नगरपालिकाका मेयर देवनाथ साह सहितका ब्यक्तिहरु ईलाका प्रहरी मिर्चैया पुगेर प्रहरीलाई व्यापक दबाब दिँदा पनि यस्तो केसमा छलफल गर्न नमिल्ने र कानून अनुसार नै अगाडी बढ्ने भन्दै मिर्चैया प्रहरीका प्रमुख डिएसपी राजेन्द्र श्रेष्ठले मंगलबार राति डिभिजन वन कार्यालय लहानंलाई चोेरीको काठ, जेसीबी र चालक समेतलाई बुझाएको थियो । स्थानीयहरुले वडाअध्यक्ष कामती कै प्रत्यक्ष संलग्नता रहेको भन्दै कानूनको दायरामा ल्याई आवश्यक कार्यवाहीको माँग गरेका छन् ।