जनकपुरधाम । तत्कालिन जिल्ला प्राविधिक कार्यालय धनुषाका अवकशा प्राप्त प्रमुख (डी) भ्रष्टाचार नियन्त्रण गर्ने प्रदेश २ सकरारको निकाय जनलोकपाल सदस्य बनेका छन् ।
जिल्ला विकास समितिसंगै टाँसिएरै रहेको तत्कालिन विकासे अड्डा जिल्ला प्राविधिक कार्यालयमा लामोसमय कार्यरत्त छँदा व्यापक अनियमिता गरी अकुत सम्पति कमाएको आरोप लागेका साहलाई प्रदेश २ सरकारले जनलोकपाल सदस्य पदमा नियुक्त गरेको हो ।
भ्रष्टाचार नियन्त्रण गर्ने निकायको रुपमा प्रदेश सरकारले जनलोकपाल स्थापना गरी प्रमुखमा रामसहाय यादव र सदस्य द्वयमा राजकिशोर साह र शोभा महतोलाई नियुक्त गरेको हो । जसमध्ये साह प्राविधिक कार्यालयमा १२ वर्षसम्म इन्जिनियारको पदमा कार्यरत्त थिए ।
केहि वर्ष प्राविधिक कार्यालयका प्रमुख (डी) को रुपमा समेत कार्यरत्त रहेको बेला उनले विकासे कामहरुमा व्यापक अनियमितता गरेको भन्दै अख्तियार दुरुपयोग अनुसन्धान आयोगमा थुप्रै उजुरीहरु समेत परेको थियो । उनलाई अख्तियारले छानविनको लागि कैयौंपटक झिकाएको पनि थियो । यधपि उनी अख्तियारसंग डिल गर्न मास्टरमाइन्ड रहेकै कारण कारबाहीबाट बँचेको प्राविधिक कार्यालयमा तत्कालिन समय कार्यरत एक कर्मचारीले बताए ।
ती कर्मचारीका अनुसार साह आफु अवकाश हुनु पाँच महिना पहिले नै अख्तियारका सबै फाइलहरु सेटिंगमा मिलाउन सफल भएका थिए । पुस २०७५ मा उनी अवकाश पाएका थिए । उनले त्यहाँ कमाएको अर्बौंको अकुत सम्पतिको अहिले पनि छानविन भए साह जेल जानेसम्मको कारबाहीमा पर्ने उनकै छिमेकहरुको भनाइ छ ।
यता नवनियुक्त जनलोकपालका नव नियुक्त साहले प्राविधिक कार्यालयमा हुँदा आफुले अकुत सम्पति कमाएको आरोपहरुमा कुनै सत्यता नभएको दावी गरे । आफुमाथि अख्तियारमा कुनै उजुरी समेत नपरेको उनले बताए ।
‘ममाथि लाग्ने गरेको आरोप निराधार हो । अख्तियारमा कुनै पनि उजुरी म विरुद्ध परेको छैन । बरु प्रदेश सभाको स्थापना र व्यवस्थापनमा भएको अनियमितता र प्रदेश २ सरकारको संसदीय विकास कोषबाट २०७४।०७५ मा भएको कामहरुमा भएको अनियमिताको छानविन समितमा म आफै थिएँ ।’ उनले टुडेपाटीसंग भने ।
भ्रष्टाचारमा बदनाम लालबाबु सरकारले समेत उस्तै पृष्टभूमिका व्यक्ति साहलाई भ्रष्टाचार नियन्त्रण गर्ने निकायको सदस्य बनाएपछि आलोचना सुरु भएको छ ।
