एक विद्युत कर्मचारीको मृत्यु

महोत्तरी : महोत्तरीमा करेन्ट लागेर एक विद्युत कर्मचारीको मृत्यु भएको छ ।
शनिवार विद्युत्त लाईन मर्मत गर्न पोलमा चढेको बेला करेन्ट लागेर नेपाल विद्युत प्राधिकरण बर्दिवासका कर्मचारी रौतहट पौराहा नगरपालिका निवासी ४५ वर्षिय गौरी पण्डितको मृत्यु भएको विद्युत प्राधिकरणको गौशाला वितरण केन्द्रले जनाएको छ ।
करीब १० वर्षदेखि विद्युत प्राद्यिकरणमा कार्यरत पण्डित गौशाला वितरण केन्द्र अन्तर्गत बर्दिवास फ्यूज शाखामा ज्यालादारीमा कार्यरत कर्मचारी थिए ।
बर्दिबास नगरपालिका वडा नम्बर १ मा विद्युत लाईन मरम्मत गर्न पोलमा चढेको बेला करेन्ट लागेर घाइते भएपछि उपचारका लागि उनलाई बर्दिवास जनसेवा अस्पताल पठाइएको थियो ।
तर त्यहाँ उपचार सम्भव नभएपछि थप उपचारको क्रममा जनकपुरस्थित जानकी हेल्थ केयर हस्पिटलमा उनको मृत्यु भएको गौशाला वितरण केन्द्रले जनाएको छ ।