धनुषा : हातको सरसफाइ सबैका लागि, साबुनपानी हात, सधैं साथसाथ’ भन्ने नाराका साथ जनकपुरधाममा हात धुने दिवस मनाइएको छ ।
शुक्रवार जिल्ला प्रशासन कार्यालय धनुषामा समाज उत्थान युवा केन्द्र धनुषा (सुयुक) को आयोजनामा हात धुने दिवस मनाउँदै जिल्ला प्रशासन कार्यालयमा टचलेस ह्याण्ड वास स्ेटशन जडान गरिएको छ ।
समाज उत्थान युवा केन्द्र धनुषा (सुयुक) ले युनिसेफ नेपाल र एन.सी.भी. नेपालको सहयोगमा जिल्लाभर एक दर्जन भन्दा बढी टचलेस ह्याण्ड वास स्टेशन जडान गरेको छ ।
कार्यक्रमलाई सम्बोधन गर्दै प्रमुख अतिथि जिल्ला समन्वय समिति धनुषाका अध्यक्ष रामदेव वनरैत यादवले हात धुँदा धेरै रोगबाट निको हुन सक्ने भएकाले पालिका स्तरमा समेत यस्ता कार्यक्रम लग्नुपर्ने बताए ।
सो कार्यक्रममा हात कसरी धुने सम्बन्धी प्रयोगात्मक नै प्रमुख अतिथि, विशष्टि अतिथि प्रमुख जिल्ला अधिकारी, नेपाल प्रहरी र शसस्त्र प्रहरीका प्रमुखले गरेका थिए ।
कोरोना महामारीको समय छिन–छिनमा हात धुन भनिरहेको समय सार्वजनिक ठाउँहरुमा सुयुकले युनिसेफ नेपाल र एन.सी.सी. को सहयोगमा जिल्ला प्रशासन कार्यालयमा १, भूमि सुधार तथा मालपोत कार्यालयमा १, जनकपुरधाम विमान स्थलमा १, जानकी मन्दिरको प्राङ्गनमा २, प्रादेशिक आइशोलेसनमा १, प्रदेश २ मन्त्रालयको मुल गेटमा १, गोपाल धर्मशाला क्वारेन्टिनमा १, गंगुली आइशोलेसनमा २, यदुकूहा क्वारेन्टिन (जनता एकाइ मावि)मा १ र प्रादेशिक आइशोलेसन अस्पताल जनकपुरधाममा २ वटा टचलेस ह्याण्ड वास स्टेशन जडान गरिएको सुयुकका विनोद महतोले बताए ।
यस्तै सुयुकले जि.एस.एफ.÷यूएन ह्याविट्याटको सहयोगमा धनुषाको धनुषाधाम नगरपालिकामा २, लक्ष्मीनियाँ गाउँपालिकामा २ र जनकनन्दिनी गाउँपालिकामा २ वटा टचलेस ह्याण्ड वास स्टेशन जडान गरिएको छ ।
