महोत्तरीमा दिनदहाडै वृद्ध दम्पतीको लुटियो साढे ६ लाख रकम

महोत्तरीको गौशाला बजारमा एक वृद्धको साढे ६ लाख रुपैयाँ दिनदहाडै लुटिएको छ । आइतबार दिउसो करिब साढे ३ बजे गौशाला नगरपालिका ११ भरतपुर बस्ने ६५ वर्षीय शम्भु महतोको साढे ६ लाख रकम लुटिएको हो ।

ओखलढुंगाबाट आफन्तले पठाएको पैसा एनआइसी एसिया बैंकबाट निकालेर घरतिर जाने क्रममा गणेश मन्दिर नजिक अज्ञात व्यक्तिले पैसा खोसेर भागेको महतोले बताए ।
लुटपाट गर्ने व्यक्तिको खोजविन भइरहेको इलाका प्रहरी कार्यालय गौशालाका प्रहरी निरीक्षक मनोज यादवले बताए ।