काठमाडौँ – दाङका एक जना व्यापारीलाई यौन प्रस्ताव आउँछ । केही समयदेखि चिनजान भएकी महिलाले प्रस्ताव गरेपछि उनी पनि लालायित हुन्छन् । त्यसपछि उनीहरु शारीरिक निकटतामा पुग्छन् ।
शारीरिक सम्पर्कमा पुगेपछि उनलाई धम्की आउन सुरु हुन्छ । मोटो रकमको माग गर्दै धम्की आउन थालेपछि व्यापारी प्रहरीकोमा पुग्छन् । उनले सहमतिमा भएको यौन सम्बन्धलाई ब्लाक्मेलिङ गरिरहेको बताउँछन् ।
प्रहरीले सूचना पाएपछि हनि ट्र्यापको आरोपमा एक पुरुष र २ जना महिलासहित ३ जनालाई प्रहरीले पक्राउ गरेको छ। हनि ट्र्यापको अभियोगमा घोराही १० नारायणपुरबाट पुरुष र तुलसीपुरबाट २ जना महिला पक्राउ परेका छन् ।
घोराही १० नारायणपुरका रुद्रबहादुर केसी, तुलसीपुर १८ ग्वारखोलाकी कृष्णीकुमारी बस्नेत र गढवा ६ घर भई हाल तुलसीपुर बस्दै आएकी अनुष्का सिंह भनेर चिनिने कृष्णी गहतराज पक्राउ परेका जिल्ला प्रहरी कार्यालय दाङले जनाएको छ ।
तुलसीपुरका एक जना व्यवसायीसँग ब्ल्याकमेलिङ गर्दै मोटो रकम नदिए बलात्कार मुद्दा हाल्ने भनेर महिलाले धम्की दिएपछि प्रहरीले पक्राउ गरेको हो। महिलाले यौन सम्बन्धको प्रस्ताव राख्दै ब्ल्याकमेलिङ गर्न खोजेपछि पीडित व्यवसायीले आफूलाई प्रहरीमा जाहेरी दिएका थिए।
