संजय यादव ,सिरहा
११ चैत्र,२०७८
संजय यादव ,सिरहा
११ चैत्र,२०७८
सडकको विकास नभई समग्र देशको विकास असम्भव हो र पूर्वाधार नै देशको मेरुदण्ड रहेको भौतिक पूर्वधार तथा यातायात मन्त्री रेनु कुमारी यादवले बताइन् । सिरहाको चोहर्वामा चोहर्वामा सिराहा माडर चार लेन सडकको शिलान्यास गर्दै मन्त्री यादवले यस्तो बताइन् । सडक बिना २ घण्टाको यात्रा तयगर्न ६ घण्टासम्म तय गर्न बाध्य हुने अवस्था हुन्छन् । हुलाकी सडकको कामलाई पनि तीव्रता दिएको समेत मन्त्री यादवले बताइन् । शिलान्यास गरिएको सडकलाई तुरुन्तै टेन्डरमा ल्याई समयमा नै काम सकाउने प्रतिबद्धता समेत मन्त्री यादवले गरिन् । जसपा नेपालको कार्यकारिणी सदस्य एवं सिरहा क्षेत्र नम्बर ४ का सघीय सांसद राजकिशोर यादवको विशेष पहलमा चोहर्वा सिराहा माडर सडक र मिर्चैया कल्याणपुर सिरहा सडकको शिलान्यास भएको छ । मन्त्री रेनु यादव र संघीय सांसद एवं पूर्वमन्त्री राजकिशोर यादवले संयुक्त रुपमा शिलान्यास गर्दै भने, नेपालको राष्ट्रिय गौरवको योजना रहेको चोहर्वा सिरहा माडर सडककोे विकासले सिरहाबासीमा अमूल परिवर्तन ल्याउने विश्वास व्यक्त गरे ।
सांसद यादबले सिरहा क्षेत्र नम्बर ४ को जनता भगवान सम्मा छन् । जसले मलाई जिताएर सदनमा पठाएको र आफुमा लडनसक्ने हौसला जागेर आएको बताए । तसर्थ धन्यवादका पात्र सिरहा क्षेत्र नम्बर ४ का जनता हुन् । शासक वर्गले मधेशको विकास होउन भने कहिले पनि चाहेनन् र हुन पनि दिएनन् साँसद यादवले भने । त्यस्तै सिरहा क्षेत्र नम्बर ४ख को प्रदेश सांसद सुरेश मण्डलले सिरहाको महत्वपूर्ण चोहर्वा सिरहा माडर सडक र मिर्चैया कल्यानपुर सिरहा सडकको एकसाथ शिल्यानास गर्न पाउँदा धेरै खुसी र ४ नम्बर क्षेत्रको जनताप्रति अभारी रहेको बताए । जसपा नेपालका नेता रामरिझन यादवले सिरहाको इतिहास बताउँदै शासक वर्गकै कारण मधेश हरेक किसिमबाट पछाडी परेको बताए । शासकहरुले हुलाकी सडक बनुुन भन्ने कहिले पनि चाहना राखेनन् र बनाएनन् पनि । तसर्थ हुलाकी सडकको काम तीब्रगतीमा अगाडि बढाउन समेत माग गरे । चोहर्वा सिरहा माडर सडक र मिर्चैया कल्याणपुर सिरहा सडकको लागि पहिलो चरणमा भौतिक पूर्वधार तथा यातायात मन्त्रालयले ४०÷४० करोड रुपैयाँ विनियोजन गरेको छ । जसमा २२ मिटर चौडाइ रहने चोहर्वा सिरहा माडर चार लेन सडक खण्डमा पहिलो चरणमा २५ सय ५० मिटरको काम हुनेछ । यो सडकमा गाउँ क्षेत्रमा १४ मिटर र सहरी क्षेत्रमा १८ मिटर कालोपत्रे गर्ने योजना रहेको छ । त्यस्तै मिर्चैया कल्यानपुर सिरहा सडक खण्डमा पहिलो चरणमा ८५ सय ८० मिटरको काम हुनेछ । दुुई लेनको यो सडकको चौडाइ ११ मिटर रहेको छ । सडक निर्माणको समयाबधी २ वर्षको रहेको छ । सिरहा सदरमुकाम जोड्ने चोहर्वा सिराहा माडर सडक र मिर्चैया कल्यानपुर सिरहा सडक जीर्ण हुँदा सर्वसाधारण सास्ती खेप्दै आएकाछन् । कार्यक्रममा जसपा नेपालका केन्द्रीय अनुशासन आयोगका सदस्य डा. जयनारायण यादव लगायत उल्लेख्य नेता कार्यकर्ताहरूको सहभागिता रहेको थियो ।
