बारा । बारामा पार्किङ गरी राखिएको यात्रुबाहक बसमा आगजनी गरिएको छ ।
जिल्लाको कोल्हवी नगरपालिका–६ कुमरगढी गाउँमा पार्किङ गरी राखिएको ना ७ ख ३५३५ नम्बरको बसमा आगजनी गरिएको हो । स्थानीय शिक्षक तेजप्रकाश चौधरीको बसमा अज्ञात समूहले आगजनी गरेको स्थानीय बासिन्दाहरूले बताएका छन् ।
ग्रामीण भेगबाट वीरगन्जसम्म सञ्चालन गर्दै सर्वसाधारणलाई सुविधा दिँदैआएकोमा कसले र किन आगजनी गरेको आफूलाई थाहा नभएको शिक्षक चौधरीले बताए ।
स्थानीय शिक्षक श्री राम साहले छठीघाटमा पार्किङ गरी राखिएको बस केही पर गुडाएर सिसाहरू फुटाल्दै पेट्रोल छर्केर आगजनी गरिएको बताए । बसको सबै भाग पूर्ण रुपले जलेको बताइएको छ ।
यता जिल्ला प्रहरी कार्यालय बाराका प्रहरी प्रवक्ता राजेश थापाले घटना कसले र किन गरेको भन्ने खुल्न सकेको छैन । आगजनी गर्ने व्यक्तिको खोजी भइरहेको प्रहरीले जनाएको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
