पर्सा । वीरगञ्जमा बेवारिसे ट्रकबाट सशस्त्र प्रहरीले २१ किलो गाँजा बरामद गरेको छ । मकवानपुरको मनहरीबाट वीरगञ्जतर्फ आउँदै गरेको ना ३ ख ४२९७ नम्बरको ट्रकबाट उक्त परिमाणको गाँजा बरामद भएको हो ।
वीरगञ्ज महानगरपालिका–१४ पिपरास्थित दोस्रो बाइपास सडकखण्डबाट सशस्त्र प्रहरी बल १३ नम्बर गणका सशस्त्र प्रहरी निरीक्षक राजेश्वरप्रसाद साहको कमाण्डमा खटिएको टोलीले बिहान साढे ७ बजे उक्त गाँजा बरामद गरेको गणका गणपति सशस्त्र प्रहरी उपरीक्षक राजेन्द्र खड्काले जानकारी दिए ।
‘गाँजा ल्याउँदैछ भन्ने सूचना आएको थियो, टोली पुग्दा चालक, सहचालक भागिसकेका रहेछन्,’ उनले भने, ‘चेकजाँचका क्रममा ट्रकको क्याबिनमा चारवटा प्लाष्टिकको प्याकेटमा गाँजा राखिएको रहेछ ।’
गाँजासहितको ट्रक आवश्यक कारबाहीका लागि जिल्ला प्रहरी कार्यालय पर्सामा पठाइएको सशस्त्र प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
