सप्तरी । सप्तरीमा एक वर्षमा १ हजार १ सय ४९ जना फरार अभियुक्त पक्राउ परेका छन् ।
विभिन्न घटनामा संलग्न रही फरार रहेका अभियुक्तहरुलाई पक्राउ गरिएको जिल्ला प्रहरी कार्यालय सप्तरीले जनाएको छ ।
आर्थिक वर्ष २०७८/०७९ मा अदालतबाट फैसला भइ फरार रहेकाहरुलाई फैसला कार्यान्वयन गराउने क्रममा १ हजार १ सय ४९ जनालाई पक्राउ गरिएको जिल्ला प्रहरी कार्यालय सप्तरीका प्रवक्ता एव डिएसपी माधव प्रसाद काफ्लेले जानकारी दिए ।
उनीहरु कर्तव्य ज्यान, हाडनाता करणी, लागुऔषध, सवारी ज्यान, चेक अनादर, अंशबन्डा, सम्बन्ध विच्छेद, कुटपिट र लुटपाट मुद्दामा संलग्न रहेको डिएसपिले बताए ।
यस्तै फौज्दारी मुद्दाका २ सय १ र देवानी मुद्दाका ९ सय ४८ जना अदालतबाट सजाय पाएर फरार रहेका थिए।पक्राउ परेकाहरुबाट १ करोड १९ लाख ५४ हजार ८ सय १६ रुपैयाँ राजश्व असुल गरिएको छ ।
त्यस्तै चालु आर्थिक वर्षमा भन्सार छलि गरेर ल्याएको ३ करोड १७ लाख ५९ हजार १ सय ७६ मुल्य बराबरको अबैध किराना, लत्ताकपडा, सवारी साधन, मदिराजन्य र विद्युतिय सामग्री लगायतका सामानहरु बरामद गरिएको डिएसपी काफ्लेले बताए ।
यस अवधिमा तस्करीमा संलग्न १ सय २४ जनालाई पक्राउ गरी कारवाही समेत गरिएको उनले ।
