काठमाडौं । भारतले महाकाली मिचेर बाँध बाँधेको समाचार प्रकाशित भएको थियो । विभिन्न नेपाली सञ्चारमाध्यमहरुमा भारतले महाकाली मिचेको भन्ने समाचारपछि भारतीय पक्षले उक्त पक्षमा ध्यानाकर्षण भएको जनाएको छ ।
भारतले उक्त बाँध भारतीय क्षेत्रमा नै बाँधिएको बताएको छ । भारतीय पक्षले भनेको छ, “हामीले खोला तरेर नेपाली भूमिमा प्रवेश गरेका छैनौं ।”
महाकाली नदीको धार परिवर्तन भइरहेको छ । त्यसकारण नेपाली पक्षले पनि बाँध बाध्नुपर्ने सुझाव दिएको छ । भारतीय पक्षले भनेको छ, “नेपालले पनि आफ्नो क्षेत्रमा बाँध बाध्न आवश्यक छ । बाँध बाधिएन भने बाढी आउनु स्वभाविक छ ।”
भारतलाई हालसम्म कुनै नेपाली अधिकारीले उक्त भूमि दाबीसमेत नगरेको बताएको छ । भारतले भनेको छ, “नेपाली पक्षले दाबी गर्न आएमा भारतीय पक्षले दुई मुलुकको भातृ सम्बन्धका आधारमा नेपाली पक्षलाई यस विषयमा सम्झाउने छ ।”
महाकालीको बाढीले २०७० मा दार्चुला सदरमुकामका १ सय ५६ घर बगाएको थियो । बाढीले निरन्तर पुर्याउने क्षति घटाउन नेपालले तटबन्ध बनाउन थाल्दा उतिबेला भारतीय पक्षले माइकिङ गरेर रोकेको नेपाली सञ्चारमाध्यमहरुले जनाएका छन् ।
