सिरहा — प्रधानमन्त्री सुशीला कार्कीले हालै दिएका अभिव्यक्तिहरू सही, सन्तुलित र न्यायसंगत रहेको दाबी गर्दै हिन्दू सम्राट सेना नेपालले सिरहाको गोलबजारमा शान्तिपूर्ण र्याली आयोजना गरेको छ।
र्यालीमा सहभागीहरूले प्रधानमन्त्री कार्कीले राष्ट्रहित, धार्मिक सौहार्द र सामाजिक न्यायको पक्षमा स्पष्ट अभिव्यक्ति दिएको भन्दै समर्थनमा नाराबाजी गरेका थिए। सहभागीहरूले गोलबजारका मुख्य सडक परिक्रमा गर्दै शान्तिपूर्ण ढङ्गले आफ्नो धारणा सार्वजनिक रूपमा व्यक्त गरेका थिए।
संगठनका प्रतिनिधिहरूका अनुसार, र्यालीको मुख्य उद्देश्य प्रधानमन्त्री कार्कीले दिएको राष्ट्रियतामुखी मन्तव्यप्रति ऐक्यबद्धता जनाउनु र समाजमा सकारात्मक सन्देश प्रवाह गर्नु रहेको छ। उनीहरूले प्रधानमन्त्रीको अभिव्यक्तिले देशमा सद्भाव र एकताको सन्देश दिएको दाबी पनि गरेका छन्।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
