इस्लामाबाद : पाकिस्तानका संघीय उड्डयन मन्त्री गुलाम सरवार खानले मंगलबार पाकिस्तानी इन्टरनेशनल एयरलाइन्स (पीआईए) का सात हजार कर्मचारीलाई बिदा गरिने बताएका छन् । उनीहरुलाई स्वैच्छिक बिदा योजनाअन्तर्गत बिदा गर्न लागिएको मन्त्री खानले बताएका हुन् ।
एआरवाई न्युजको एक रिपोर्ट अनुसार सरवरले पीआईएलाई मात्र सात हजार कर्मचारी आवश्यकता पर्ने भएकोले १४ हजारमध्ये थप सात हजारलाई बिदा गर्न लागिएको हो । पाकिस्तानमा राजनीतिक प्रभावका कारण १४ हजार कर्मचारी भर्ती गरिएको समाचारमा जनाइएको छ ।
उनले हाल १४ हजार कर्मचारीहरु कार्यरत छन् । बिदा हुने कर्मचारीहरुलाई क्षतिपूर्तिसमेत उपलब्ध गराइने भएको छ ।
नोभेम्बर २१ को पाकिस्तान पीपुल्स पार्टीले पीआईए, स्टिल मिल र रेलवेका हजारौं कर्मचारीहरूलाई बर्खास्त गर्ने योजनालाई लिएर प्रधानमन्त्री इमरान खान नेतृत्वको सरकारको आलोचना गरेको थियो र त्यो निर्णयलाई अवैधानिक र असंवैधानिक घोषणा गरेको थियो ।
पीपीपी नेता रजा रब्बानीले शनिबार एक विज्ञप्तिमा भनेका छन्, “दुर्भाग्यवस कि प्रत्येक सरकारको सेवा गरेका निर्वाचित नक्कली मजदुरहरूले श्रम विरोधी निर्णय लिइरहेका छन् ।”
“श्रमिकहरूको पुनःसंरक्षण, निजीकरण र संरचनात्मक परिवर्तन जस्ता दूरगामी उपायहरू सीसीआईबाट छलफल गरी स्वीकृत नभएसम्म प्रभाव पार्न सकिँदैन,” उनले भने ।
यसैबीच २६२ पायलटको संदिग्ध इजाजतपत्रमा भएको पाइएको थियो । अनुसन्धानका क्रममा निर्दोष भेटिएकालाई सफाइ पत्रसमेत दिइएको बताइएको छ ।
उक्त खुलासा पछि, युरोपियन युनियन एयर सेफ्टी एजेन्सीले पीआईएको उडान परिचालन जुलाई १ देखि ६ महिनाको लागि प्रतिबन्ध गरेको थियो ।
