फेब्रुअरी २८ मा अद्भुत खगोलीय घटना, सौर्यमण्डलका सात ग्रह देखिनेछन् एकसाथ

के तपाईं सौर्यमण्डलका सातवटा ग्रह एकसाथ देख्न चाहनुहुन्छ ? यदि त्यसो हो भने तपाईंले फेब्रुअरी २८ कुर्नुपर्नेछ ।

आगामी २८ फेब्रुअरीको बेलुकी सौर्यमण्डलका सातवटा ग्रहहरु एकसाथ देखिनेछन् । यो एउटा दुर्लभ तथा अद्भूत खगोलीय घटना हो । यसलाई वैज्ञानिक भाषामा Great Planetary Alignment भनिन्छ । यो खगोलीय घटनामा धेरै ग्रहहरु सूर्यको एकैतर्फ जम्मा हुन्छन् ।

यो घटना खगोल विज्ञानका शौखिन तथा आम मानिसहरुका लागि एउटा अद्भूत अवसर हुनेछ । यसरी सौर्यमण्डलका सबै ग्रह एकसाथ देखिने घटना निकै विरलै हुन्छ ।

आम रुपमा केही ग्रह एकै समयमा सूर्यको एकातर्फ हुन्छन्, तर सबै ग्रह एकसाथ एउटै लाइनमा आउनु निकै दुर्लभ हुन्छ ।

फेब्रुअरी २८ मा यी सातै ग्रह एउटै सिधा रेखामा देखिनेछन्, जसरी किताबमा पढाइन्छ । वास्तवमा आम रुपमा सबै ग्रहहरुले अलग अलग घेरामा रहेर सूर्यको परिक्रमा गर्दछन् । त्यसैले ग्रहको कक्ष फरक फरक हुनाले उनीहरु सिधा रेखामा देखिँदैनन् ।

कसरी हेर्ने यो दुुर्लभ दृष्य ?

फेब्रुअरी २८ को बेलुका सूर्यास्तपछि शनि, बुध, शुक्र, मंगल, बृहस्पती, अरुण तथा बरुणलाई आकाशमा सिधा एकैसाथ देखिनेछ । यीमध्ये बुध, शुक्र, बृहस्पती र मंगललाई नांगो आँखाले नै देख्न सकिनेछ । त्यस्तै अरुण र बरुण ग्रहलाई चाहिं सामान्य दूरबिन तथा टेलिस्कोपको प्रयोग गरेर हेर्न सकिनेछ। तर, शनि ग्रहलाई देख्न भने निकै कठिन हुनेछ र तपाईंले आफ्नो निश्चित अवस्थितिको लागि निश्चित समय पत्ता लगाउनु पर्नेछ र सोही समयमा मात्र शनी ग्रहरलाई पनि सँगै देखिनेछ ।

सातै ग्रहलाई हेर्नका लागि तपाईं सही समय र स्थानमा हुनुपर्नेछ । ग्रहहरुको उदय र अस्त हुने समय तथा उनीहरुको आकाशीय स्थान हाम्रो पृथ्वीको अवस्थितिमा निर्भर गर्दछ । तपाईंले अनलाइन टूल्सको प्रयोग गरेर ग्रहहरु देखिने सही समय तथा स्थान थाहा पाउन सक्नुहुनछ ।

यसका लागि तीनवटा निकै उपयोगी अनलाइन टूल रहेका छन, जसमा तपाईंले उक्त खगोलीय दृष्य देख्न पाउनुहुनेछ । ती, Time and Date, Stellarium / Sky Tonight रहेका छन् । Time and Date एउटा अन्तरक्रियात्मक टूल हो, जसले तपाईंलाई खगोलीय दृष्य हेर्नका लागि मिति तय गर्ने अनुमति दिन्छ । यसमा तपाईंले प्रत्येक ग्रहको उदय तथा अस्तको समय, आकाशमा कहाँ देख्न सकिन्छ भन्ने कुरा समेत थाहा पाउन सकिन्छ ।

स्टेलेरियम एउटा वेब टूल हो जसले सबै ग्रहको स्थिति देखाउँछ । त्यसैगरी स्काइ टुनाइट चाहिं एउटा नि:शुल्क मोबाइल एप हो । यसले तपाईंको फोनको हार्डवेयर प्रयोग गरेर तपाईंको स्थानको अनुमान लगाउँछ र आकाशमाथिको एक नक्शामा खगोलीय पिण्डको वास्तविक स्थिति देखाउँछ ।