काठमाडौं। साउदी अरबमा हालै आयोजित फेसन शो विवादमा परेको छ। यस विवादास्पद फेसन शोमा धर्मगुरु र कट्टरपन्थीहरूले कडा प्रतिक्रिया दिएका छन्। यस फेसन शोमा पवित्र काबासँग मिल्दोजुल्दो गिलास देखाइएको बताउदै यसको विरोध गरिएको हो।
साउदी अरबको वार्षिक सांस्कृतिक उत्सव ‘रियाद सिजन’ को रूपमा चिनिने यो फेशन शोप्रति मुख्यधारा अरब मिडिया र सोशल मिडियाबाट तीव्र प्रतिक्रिया पाएको छ।
आलोचकहरूले यो इस्लामको सबैभन्दा पवित्र स्थलको अपमान भएको बताएका छन्। तर, साउदी अरेबियाको सरकारी मिडियाले यी आलोचनाहरूलाई बेवास्ता गरेको छ। अफवाह रोक्नको लागि काम गर्ने एक साउदी संगठनले पनि फेसन शोको क्रममा देखेको चीज गिलासको घन आकारको संरचना मात्र भएको बताएको छ । विवाद भएपछि साउदी अरेबियाको एन्टी रुमर अथोरिटीले शोका क्रममा पवित्र काबाको तस्बिर प्रयोग भएको कुरालाई स्पष्ट रूपमा अस्वीकार गरेको छ।
यो केवल एक गिलास घन आकारको संरचना भएको भन्दै काबासँग कुनै सम्बन्ध नरहेको स्पष्ट गरेको छ।
यो साउदी अरेबियाको एन्टी रुमर अथोरिटी एक स्वतन्त्र साउदी मिडिया प्लेटफर्म हो जसले अनलाइन अफवाहहरू ट्र्याक र प्रमाणित गर्दछ।
तर राज्य मिडियाको आलोचनाको बावजुद, धेरै कट्टरपन्थी इस्लामिक व्यक्तित्वहरूले घटनामा टिप्पणी गरे। यी मानिसहरूले यसलाई इस्लामको अपमान भनेका छन्।
सरकारी मिडियाले यो आलोचनालाई मुस्लिम ब्रदरहुडको नेतृत्वमा रहेको देशलाई बदनाम गर्ने प्रयास भनेका छन् र त्यसको खण्डन गरेको छ । यस कार्यक्रमका तस्विर तथा भिडियो टेलिग्राम र फेसबुक मार्फत इन्टरनेटमा शेयर भइरहेका छन्।
मोरक्कन इस्लामिक धर्मगुरु अल हसन बिन अली अल कित्तानीले यो घटना भ्रष्टाचार र मूल्यमान्यताको पतनको सङ्केत भएको बताएका छन् । यो घटनामा अधिकांश विद्वान मौन रहेको र केही ‘सत्यको आवाज’ ले मात्रै यसबारे आवाज उठाइरहेको कित्तानीले लेखेका छन्।
धेरै टिप्पणीकारहरूले साउदी अरेबियाको शासक परिवार, जिहादीहरूको लामो समयदेखि शत्रु र धेरै कट्टरपन्थीहरूको आलोचना गर्न फेसन शो प्रयोग गरेको टिप्पणी गरेका छन्।
सिरियामा आधारित विचारक अब्देल रहमान अल-इद्रिसीले काबा जस्तो संरचना वरिपरि मोडेलहरूको नृत्य वास्तवमा साउदी युवराज मोहम्मद बिन सलमानको आदेशमा भएको बताएका छन्।
रियाद सिजन साउदी अरबमा आयोजित मनोरञ्जन, सांस्कृतिक र खेलकुद कार्यक्रमहरूको वार्षिक कार्यक्रम हो। लेबनानी डिजाइनर एली साबले रियाद सिजन २०२४ को भागको रूपमा फेसन शो गरेका थिए।
स्टेजमा प्रदर्शन बाहेक गाजा स्ट्रिप र लेबनानमा युद्धको बीचमा भएको फेसन शोको धेरैले आलोचना गरिरहेका छन्।
लन्डनबाट प्रकाशित अरबी अखबार राई अल-युमको रिपोर्ट अनुसार रियाद सिजनका डिजाइनर र आयोजकहरूले यस क्षेत्रमा चलिरहेको युद्धलाई बेवास्ता गरेको आरोप लगाइएको छ।
