लोक गायिका शारदा सिन्हाको ७२ बर्षको उमेरमा निधन भएको छ। उनको मंगलबार दिल्लीको एम्स अस्पतालमा मृत्यु भएको हो । मंगलबार उनको स्वास्थ्य अचानक बिग्रिएपछि राति उनको निधन भएको भारतीय सञ्चार माध्यमले जानकारी दिएको छ।
शारदा सिन्हाको निधनले छठ पर्वको चहलपहल धमिलिएको छ । शारदा सिन्हाको निधनप्रति प्रधानमन्त्री नरेन्द्र मोदीले दुःख व्यक्त गरेका छन् ।
प्रत्येक वर्ष यस पर्वको बिहानी शारदा सिन्हाको छठ मैयाको भजनबाट सुरु भएको थियो । तर यो छठमैया पर्वको पहिलो दिन शारदा सिन्हाको निधनले उनको शुभचिन्तकलाई दुःखी बनाएको छ । शारदा सिन्हालाई गायन जगतमा यति ठूलो तारा बनाउने छठ पर्वको पहिलो दिन शारदा सिन्हाले अन्तिम सास लिनु भाग्यको कुरा हो । शारदा सिन्हाको निधनले छठ पर्वको चहलपहल धमिलिएको छ । सिन्हा छठ पर्वका गीतका लागि परिचित छिन् ।
आफ्नो सुमधुर स्वरले सयभन्दा बढी भोजपुरी गीत सजाउने गायिका शारदा सिन्हाको छठ पूजाको पहिलो दिन मंगलबार निधन भएको हो। सिन्हालाई भारत सरकारले संगीतमा योगदान गरेको भन्दै पद्मभूषण पुरस्कारबाट सम्मान गरेको छ । छठ पूजाको दिन शारदा सिन्हाको गीत जताततै गुन्जिन्थ्यो ।
शारदा सिन्हालाई अक्टोबर २५ मा अस्पताल भर्ना गरिएको थियो । जहाँ उनको उपचार भइरहेको थियो ।शारदा सिन्हाले भोजपुरी सहित हिन्दीमा धेरै गीत गाएकी छिन् । केही दिनअघि शारदा सिन्हाको यो छठको नयाँ गीत पनि सार्वजनिक भएको थियो । शारदा सिन्हा विशेष छठ गीतका लागि परिचित छन्। शारदा सिन्हाका गीतहरू उत्तर प्रदेश र बिहारमा प्रायः यस विशेष पर्वमा सुनिन्छन्। छठ पर्व आज मंगलबारदेखि सुरु भएको छ । छठका गीतहरूले शारदा सिन्हालाई गायनको दुनियाँमा नाम दियो र उनलाई स्टार बनायो । आज छठकै दिन शारदा सिन्हाले छठमैयाको काखमा अन्तिम श्वास लिइन् ।
