देश डुबेको हेर्न मन भए सिंहदरबार वैद्यखाना हेर्नुः बालेन्द्र शाह

काठमाडौँ महानगरपालिका प्रमुख बालेन्द्र शाहले सिंहदरबार वैद्यखाना विकास समितिको अवस्थाले समग्र मुलुकको अवस्था चित्रण गरेको टिप्पणी गर्नुभएको छ ।

राष्ट्रिय आरोग्य दिवस तथा धन्वन्तरि दिवस एवं सिंहदरबार वैद्यखाना विकास समितिको ३०औँ वार्षिकोत्सवका अवसरमा आयोजित कार्यक्रममा उहाँले देशको अर्थतन्त्रमा ठूलो योगदान पु¥याउने सम्भावना बोकेको संस्था थला पर्नु सोचनीय विषय भएको जिकिर गर्नुभयो ।

उहाँले देश डुबेको हेर्न मन भए सिंहदरबार वैद्यखाना हेरे पुग्ने भन्दै कटाक्ष समेत गर्नुभयो । प्रमुख शाहले ९० प्रतिशत सरकारी उद्योग भाडामा दिन नसकिएमा निजी संस्थाको प्रभाव र दबाबमा आएर असफल बनाउने गरिएको दाबी गर्नुभयो ।

सरकारद्वारा सञ्चालित उद्योग कलकारखाना घाटामा जानुका कारण उल्लेख गर्दै उहाँले वैद्यखानालाई धराशयी पर्न नदिन सामूहिक पहलको आवश्यकता औँल्याउनुभयो ।