काठमाडौं । अमेरिकी राष्ट्रपति जो बाइडेनको प्रशासनका एक वरिष्ठ अधिकारीका अनुसार अमेरिकी प्रशासनले इजरायली नेताहरूलाई उत्तरी गाजामा घेराबन्दीमा परेका नागरिकहरूलाई मानवीय सहायता उपलब्ध गराउन “अझ धेरै गर्न आवश्यक भएको” बताएको छ।
उनका अनुसार अमेरिकी विदेशमन्त्री एन्टोनी ब्लिन्केनले इजरायलले यस विषयमा कारबाही नगरे यसविरुद्ध अमेरिकी कानुनको दायरा बढ्न सक्ने चेतावनी दिएका छन् ।
मङ्गलबार अमेरिकी विदेशमन्त्रीले इजरायली प्रधानमन्त्री बेन्जामिन नेतान्याहु, रक्षामन्त्री योभ गालान्ट, रणनीतिक मामिला मन्त्री रोन डर्मर र वरिष्ठ सैन्य अधिकारीसँग जेरुसेलम र तेल अवीभमा भेटवार्ता गरेका थिए।
यी बैठकहरू गत हप्ता गाजामा इजरायली हमलामा हमास नेता याह्या सिनवार मारिएपछि अमेरिकाले कूटनीति पुन: सुरु गर्ने अवसरको रूपमा हेरेको क्षेत्रीय भ्रमणको भाग हो ।
अमेरिकाले गाजामा नागरिक हत्याको गतिलाई रोक्न असफल भएको बढ्दो आलोचनाको बाबजुद इजरायललाई ब्लिन्केनको स्पष्ट सन्देश आएको छ।
