युक्रेन युद्धको अग्रमोर्चामा खटिँदा ज्यान गुमाएका रुसी सैनिकको सङ्ख्या ७०,००० नाघेको छ।
रुसले सार्वजनिक गरेको तथ्याङ्क अपत्यारिलो छ। बीबीसी रसियाकी ओल्गा इभ्शिनाले मिडियाजोना नामक संस्थासँग गरेको अनुसन्धानमा युद्ध सुरु भएदेखि मृतकहरूको गणना गरिएको छ र तिनको पहिचान गरिएको छ।
बीबीसीको अनुसन्धानबाट लडाइँ गर्न भर्ती भएका स्वयंसेवकको सङख्या अरू वर्गका सैनिकको भन्दा बढी छ। तीमध्ये पनि निम्न आय भएका पाका उमेरका मानिसको सङ्ख्या बढ्दो क्रममा देखिएको छ।
युक्रेनी पक्षमा हताहत भएका सैनिक सङ्ख्या पनि निर्क्योल गर्न सकिने अवस्था छैन। युक्रेनी राष्ट्रपति भोलोदिमिर जेलेन्स्कीले अहिलेसम्म ३१,००० जनाको मृत्यु भएको दाबी गरेका छन्। उक्त परिमाण संयुक्त राज्य अमेरिकाको गुप्तचर निकायले गरेको अनुमानभन्दा निकै कम हो।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
