सिरहा/ १७ साउन, २०८१
मधेसको धरोहर शास्त्रीय संगीत गुरु गुरुदेव(बबरिया) कामतको निधन भएको छ । सिरहा स्थित आफ्नै घर लक्ष्मीपुर पतारी गाउँपालिका २ पोखरभिण्डामा बिहिबार बिहान निधन भएको छ। केही महिना देखि मिर्गौला रोगबाट पीडित शास्त्रीय संगीतका गुरु(बबरिया) कामतको ६९ वर्षको उमेरमा निधन भएको हो। उहाँको दुबै मृगौला काम गर्न छाडेपछि ६ महिनादेखि थला पर्नु भएको थियो ।
गीत संगीतमा सानै उमेरदेखि संघर्षरत कामत देश र मधेशकै ठूलो गहना भएपनि उनको उपचारमा तीनै तहको सरकार उदासीन रहेको प्रति गुनासो बढदै गएको छ । नेताहरुको समान्य खोकी ज्वरो लाग्दा स्वदेशमा होइन विदेशमा उपचार हुने तर मधेसकै धरोहर कामतको उपचारमा सहयोग नहुनुले झन् चिन्तित तुल्याएको छ ।
शास्त्रीय संगीत गुरु कामको उपचारका लागि आर्थिक संकट भएपछि एक महिना अघि जन्मथलो फर्किएको उनका छोरा समीर कामतले जानकारी दिए। उनले वुवा विरामी हुनुभएपछि आर्थिक अभावले काठमाडौं बस्न सक्ने अवस्था नभएपछि एक महिना अगाडी घर फर्कनु भएको थियो।
आर्थिक अभावकको कारण वहाँको उपचार नहुनु अत्यन्त मार्मिक र चिन्तनीय बिषय रहेको भन्दै चौतर्फी आलोचना भइरहेको छ । मधेशले एउटा अनमोल रत्न गुमाएको छ । प्रसिद्ध शास्त्रीय संगीत गुरु एवं मैथिली लोकगायक कामतको निधनले स्तब्ध बनेको छ ।
