उत्तेजक अभिव्यक्ति दिएको आरोपमा सुनसरीमा पक्राउ परेका धर्मगुरु श्रीनिवास आचार्यलाई जनकपुर ल्याउन लागिएको छ । केहीदिन अघि जनकपुरधाममा गौहत्याविद्ध विवास्पद अभिव्यक्ति दिएका उनलाई मंगलबार प्रहरीले सुनसरीको बराहक्षेत्र नगरपालिका–चक्रघट्टीबाट पक्राउ गरेको थियो ।
उत्तेजक अभिव्यक्ति जनकपुरधाममै दिएकाले उनलालाई जनकपुरधाम ल्याएर कारबाही गरिने प्रहरीको तयारी छ ।
सुन्सरीमा अनुसन्धान सकिएपछि जिल्ला प्रहरी कार्यालय धनुषा ल्याउने धनुषा प्रहरीले जनाएको छ । धनुषा ल्याएर उनलाई मुद्दा चलाइने बुझिएको छ ।
केहीदिन अघि जनकपुरधाममा गौ हत्याविरुद्ध निकालिएको जुलुसपछिको कोणसभालाई सम्बोधन गर्दै उनले गौहत्या गर्नेलाई त्यही खुकुरीले छप्काइदेउ भन्ने उत्तेजक अभिव्यक्ति दिएका थिए ।
उनले अगाडि भनेका थिए ‘ यदी हामी गुरुहरूले नै हतियार उठाउनुप¥यो भने ठिक हुँदैन। हामी अनुरोध गर्छौं, जसले हाम्रो गौमातालाई काट्छ त्यसलाई खुकुरी लिएर गएर काटिदिनुस्। हाम्रो धर्म र शास्त्रले गाई र माई समान रुपले हेर्छ।’
उनी ०७४ चैत २५ मा आफ्नै पाखुरामा गोलि हान्न लगाएर आरोपमा पक्राउ समेत परेका थिए।
