गोलबजार(सिरहा) । गैरकानुनी कार्यमा संलग्न कसैलाई पनि नछाड्ने उपप्रधान तथा गृहमन्त्री नारायणकाजी श्रेष्ठको उद्घोषलाई पन्छाउँदै गृह प्रशासनले नक्कली मीटरब्याज पीडितलाई संरक्षण गरेको तथ्य खुलेको छ । सर्यौंको उठीबास लगाएका सिरहाको धनगढीमाई नगरपालिका वडा नम्बर ४, भंगाहाका सञ्जिवकुमार साहलाई गृह प्रशासनले जोगाएको स्थानीयको भनाई छ ।
मधेश भ्रमणमा जनकपुर पुग्नुभएका गृहमन्त्री श्रेष्ठसमक्ष पोखिएपछि आज यो विषय बाहिरिएको हो । गृहले साहलाई आवश्यक सुरक्षा शान्तिको व्यवस्था मिलाउन निर्देशन दिँदै हिजो जिल्ला प्रशासन कार्यालयलाई पत्र पठाएको थियो । उक्त पत्रमा गृहका शाखा अधिकृत अरुण राईले हस्ताक्षर गरेका छन् ।
सञ्जिव र उनकी श्रीमती बबिताकुमारी साह मीटरब्याज पीडित नभई पीडक भएको आरोप लगाउँदै मीटरब्याजविरुद्ध संघर्ष समितिले केही दिनअगाडि विज्ञप्ति जारी गरेको थियो । मीटरब्याज पीडितकै आन्दोलनमा घुसपैठ गरेको र आफूहरुले लिएको ऋण नतिर्नका लागि साह दम्पतीले त्यसो गरेको समितिका अध्यक्ष मनोज पासवान बताउँछन् ।
उनले गोलबजारका पप्पु साहलगायतलाई मीटरब्याजको आरोपमा पक्राउसमेत गराएको आरोप छ । जबकी उनीहरु आफैं साहबाट पीडित थिए । यता, उनले पप्पुविरुद्ध जिल्ला अदालत सिरहामा मुद्दासमेत दर्ता गरेका छन् ।
आत्महत्याको धम्की १
विभिन्न व्यक्तिबाट लाखौं रुपैयाँ ऋण लिएका उनले आफू जोगिन नयाँ उपाय रचेको बताइन्छ । जिल्ला प्रहरी कार्यालय, सिरहामा पुगेर साहले पटक–पटक आत्महत्या गर्ने धम्की दिइसकेका छन् ।
उनले गृहसचिव दिनेश भट्टराईसमक्ष पनि सपरिवार आत्महत्या गर्ने खबर पुर्याएका थिए । हिजो गृहसचिव भट्टराईलाई सम्बोधन गरेर लेखिएको पत्रमा उनले उल्लेख गरेका छन्, ‘सिरहाका प्रमुख जिल्ला अधिकारी राजेन्द्रदेव पाण्डे, प्रहरी प्रमुख एसपी टेकानन्द ईवा लिम्बुको ज्यादती र दमन सहन नसकेको कारण सम्पूर्ण परिवार आत्महत्या गर्न बाध्य हुनेछ ।’
उनले सिरहाका तत्कालीन प्रमुख जिल्ला अधिकारी लालबाबु कवारीमाथि पनि घुस लिएको आरोप लगाएका थिए । उक्त आरोप प्रमाणित गर्न नसकेपछि आफ्नो गल्ती स्वीकारेका हुन् । अरुको लहलहैमा लागेर आरोप लगाएको भन्दै उनले सार्वजनिक रुपमा माफी मागेका थिए ।
‘उसलाई गरिखाओस् भनेर आफन्तहरुले कृषि फर्म चलाउन ऋण उपलब्ध गराएको अनुसन्धानको क्रममा देखिन्छ । ऋण तिर्न नपरोस् भनेर अहिले अरुलाई आरोप लगाउने काम गरिरहेका छन्’, एसपी लिम्बुले भने ।
सच्जिवलाई पक्राउ गर्न गृहमन्त्रिको निर्देशन
उपप्रधान तथा गृहमन्त्रि नारायणकाजि श्रेष्ठ प्रकाशले नक्कलि मिटरब्याज पिडित सञ्जिवकुमार साहमाथि छानविन गरि कानुनी कार्वाहीको दायरामा ल्याउन निर्देशन दिएकाछन् ।
हिजो बिहिबार मधेश भ्रमणका क्रममा जनकपुर पुगेका गृहमन्त्रि श्रेष्ठले सिरहाका प्रमुख जिल्ला अधिकारी राजेन्द्रदेव पाण्डे र प्रहरी प्रमुख एसपी टेकुनन्द ईवा लिम्बुलाई साहमाथि तत्काल छानविन गर्न निर्देशन दिएकाहुन् ।
श्रीमती बबिताकुमारी साहको नाममा सिरहाको धनगढीमाई , निमचोकमा मोर्डन नेपाल कृषि फर्म खोलेर सञ्जिवले चिनजानका ब्यक्ति र आफन्तहरूसँग लाखौँ ऋण लिएर नतिर्नकालागि अनेक बहाना बनाउँदै आएका थिए ।
ऋण दिने कतिपयलाई सञ्जिवले मिटरब्याजी करार गरेर पक्राउ समेत गराउँदै आएका थिए भने अदालतमा मुद्दा समेत चलाएका छन् ।
कृषि फर्मकै नाममा नेपाल एसबिआई बैंकबाट सञ्जिबले १५ करोड रूपैयाँ सहुलियत ऋण लिईसकेका छन् । सोही बैकंबाट पुनस् ८ करोड रूपैयाँ निकाल्ने तयारी गरिरहेका सञ्जिवलाई आन्दोलनरत मिटरब्याज विरूद्व संघर्ष समिती , नेपालले नक्कलि मिटरब्याज पिडितको संज्ञा दिदै प्रेस विज्ञप्ति नै जारी गरेको थियो ।
लिएको ऋण तिर्न सबैतिरबाट ताकेता आउनथालेपछि सञ्जिवले गएको १० गते शुक्रवार गृहसचिव दिनेश भटराई समक्ष सपरिवार आत्महत्या गर्ने धम्कि दिएका थिए ।
उनको धम्कियुक्त निवेदन दर्तापछि गृहमन्त्रालयले जिल्ला प्रशासन कार्यालय , सिरहालाई शान्तिसुरक्षा उपलब्ध गराउन पत्र नै लेखेको थियो ।
सिरहाका प्रहरी प्रमुख एसपी टेकुनन्दा ईवा लिम्बुले गृहमन्त्रि श्रेष्ठले सञ्जिवमाथि छानविन गरी कानुनी कार्वाहीमा ल्याउन निर्देशन दिएको बताउँदै भने ( ू सञ्जिव विरूद्व बैंकिङ् कशुर सम्बन्धि उजुरी परेको छ । हामी उजुरी उपर छानविन गरिरहे छौँ । उसलाई छिट्टै कानुनी कार्वाहीको दायरामा ल्याउनेछौँ ।
