जनकपुरधाम, असार २० गते ।
महोत्तरीमा गोली प्रहारबाट एकजना गम्भीर घाइते भएका छन् । दुई राउराण्ड गोली प्रहारबाट महोत्तरीकै रामगोपालपुर नगरपालिका १ बसबिट्टी बजारका ४४ वर्षीय श्रवण यादव गम्भीर घाइते भएका हुन् ।
महोत्तरीका प्रहरी प्रवक्ता डिएसपी दिलीप कुुमार गिरीका अनुसार स्थानीय ३८ वर्षीय कौशल मण्डलले सोही यादवमाथि गोली प्रहार गरेका हुन् ।
मंगलबार साँझ साढे ५ बजेतिर समान्य विवादको क्रममा मण्डलले यादवमाथि दुइ राउन्ड गोली प्रहार गरेको डिएसपी गिरीले बताए ।
यादवको कन्चट र अर्को राउण्ड दाहिने कुमको माथी गोली लागेको छ । गम्भीर घाइते उनलाई थप उपचारको लागि जनकपुरको जानकी हेल्थकेयरमा ल्याइएको छ । त्यसअघि उनलाई रामगोपालपुरकै जानकी एकेडेमीक हस्पिटलमा भर्ना गरिएको थियो । त्यहाँ सम्भव नभएपछि जनकपुर ल्याइएको हो ।
गोली प्रहार गर्ने मण्डल र उनले प्रयोग गरेको पेस्तोल गोलीको खोका ३ थान सहित घटनास्थलबाटै पक्राउ गरेको डिएसपी गिरीले बताए ।
