भारतीय प्रधानमन्त्री नरेन्द्र मोदीकी आमा हीरा बेन मोदीको शुक्रबार निधन भएको छ । उनी १०० वर्षकी थिईन । हिरा अहमदाबादको युएन मेहता अस्पतालमा बिहान नेपाली समयानुसार ३.४५ बजे अन्तिम सास लिइन्। प्रधानमन्त्री मोदी अहमदाबाद पुगेका छन् । यसअघि प्रधानमन्त्री मोदीले ट्वीट गर्दै आमा हीरा बेन लाई श्रद्धाञ्जली दिएका थिए । प्रधानमन्त्रीकी आमा हीरा बेन लाई मंगलबार अचानक सास फेर्न समस्या भएको थियोे । यसबाहेक उनलाई कफको गुनासो पनि थियो । त्यसपछि उनलाई हतारमा अहमदाबादको युएन मेहता अस्पतालको कार्डियोलोजी एण्ड रिसर्च सेन्टरमा भर्ना गरिएको थियो ।
प्रधानमन्त्री मोदी गत बुधबार अस्पताल पुगेर आमाको स्वास्थ्य अवस्था बुझेर दिल्ली फर्कनु भएको थियो । आमाको मृत्युपछि ट्वीट गर्दै प्रधानमन्त्री मोदीले ‘शानदार शताब्दीको ईश्वरका चरणमा विश्राम’ भएको प्रतिक्रिया जनाउनु भएको छ । प्रधानमन्त्री मोदीले आमाकाे ‘एक तपस्वीको यात्रा, निस्काम कर्मयोगी र जीवन मूल्यप्रति प्रतिवद्ध’ त्रिमूर्तिको अनुभूति गरेको पनि उल्लेख गर्नुभएको छ ।
प्रधानमन्त्री मोदीको आमाप्रतिको श्रद्धा र त्याग अनूकरणीय रहेकाे छ ।
