काठमाडौं- सरकराले मुलुकी फौजदारी कार्यविधि संहिता संशोधन गर्न राष्ट्रपति विद्या भण्डारीसमक्ष सिफारिस गरेको अध्यादेश प्रमाणीकरण गर्न माग गर्दै माइतीघर मण्डलामा थारू समुदायले धर्ना दिएका छन्।
राष्ट्रपति भण्डारीसमक्ष सरकारले पेस गरेको अध्यादेश छिटोभन्दा छिटो प्रमाणीकरको माग गर्दै थारू समुदायले धर्ना दिएका हुन्।
यो अध्यादेश जारी भएपछि टीकापुर घटनामा जन्मकैदको सजाय भोगिरहेका रेशम चौधरी रिहा हुने ठानिएको छ।
थारू कल्याणकारिणी सभा र थरूहट÷थारूवान संयुक्त संघर्ष समितिले आयोजना गरेको धर्नामा थारू समुदायसँग सम्बन्धित पार्टी, संघ, संगठन तथा व्यक्तिहरूको उपस्थिति रहेको थियो।
उनीहरूले अध्यादेश अविलम्ब प्रमाणीकरण हुनुपर्ने र रेशम चौधरीलगायत टीकापुर घटनामा कैदको सजाय भोगिरहेका बन्दीहरूलाई कैदमुक्त गर्नुपर्ने माग गरेका छन्।
अध्यादेश संवैधानिक रूपमा आएको भन्दै धर्नाका सहभागीहरूले छिटोभन्दा छिटो प्रमाणीकरण हुनुपर्नेमा जोड दिएका छन्। आयोमेल
