बेइजिङ। चीनको मुख्य भूमि गम्भीर गर्मीको लहर र खडेरीको चपेटामा परेको छ र आगामी वर्षहरूमा मुलुकले थप खडेरीको अवस्था सामना गर्नुपर्ने बताइएको छ। अमेरिकाको टेक्सास युनिभर्सिटी र चीनको सिङ्हुआ युनिभर्सिटीका वैज्ञानिकहरूको संयुक्त अध्ययनले देशको सामाजिक–आर्थिक अवस्थालाई प्रभावित पारेको बताएका छन्।
प्रतिवेदनमा बेइजिङले आफ्नो कार्बन उत्सर्जनमा रोक नलगाएमा आगामी दिनमा पानीको अभाव हुने चेतावनी दिएको छ।
चीनको दक्षिण पश्चिमी क्षेत्र चोङकिङका ३४ काउन्टीका करिब ६६ नदीहरू सुकेका छन् र यस क्षेत्रका १० जिल्लाका बालीनाली कठोर गर्मीको लहरका कारण नराम्ररी प्रभावित भएको जस्टअर्थले चाइना सेन्ट्रल टेलिभिजन (सिसिटिभी) लाई उद्धृत गर्दै रिपोर्ट गरेको छ।
उच्च तापक्रमले पनि यस क्षेत्रमा ठूलो जङ्गलमा आगलागीको समस्या देखिएको छ। करिब १५ हजार मानिसहरूलाई जबरजस्ती विस्थापित गरिएको छ। सन् २०१९ र २०२१ को बीचमा चीनको कार्बन उत्सर्जन ७५० मेट्रिक टनले बढेको एक अध्ययनले देखाएको छ।
बजार र उपभोक्ता तथ्याङ्कमा विशेषज्ञता हासिल गर्ने जर्मन स्थित कम्पनी स्टेटिस्टाका अनुसार चीनमा कुल ३ हजार ३७ कोइलाबाट चल्ने पावर स्टेसनहरू छन् जसमध्ये देशको शानडोङ प्रान्तमा मात्रै ४ सयभन्दा बढी युनिट सञ्चालनमा छन्।
चीन दसकौँ यताकै सबैभन्दा खराब गर्मीको लहरबाट ग्रस्त छ, जसले यसको बिजुली आपूर्तिलाई सङ्कटपूर्ण अवस्थामा पुर्याएको छ। चीनका विभिन्न क्षेत्रहरूमा नागरिकहरूले गम्भीर खडेरीको बीचमा कीर्तिमानी तातो लहरहरू देखेका छन्। चिसो तापक्रमले बाली वृद्धिमा बाधा पुर्याएको छ र पशुधनलाई खतरामा पारेको छ।
यसबाहेक, पूर्वी झेजियाङ प्रान्त र सांघाई (चीनको मध्य तट), जियान्सी (दक्षिणी चीन) र फुजियान (दक्षिण पूर्वी चीन) सहरमा तापक्रम ३९-४२ डिग्री सेल्सियसमा बढेको छ।
वर्षामा कमी आएसँगै जलविद्युत जलाशयमा पानीको सतह घटेको छ, जसले ऊर्जा उत्पादनमा कमी आएको छ । यस्तो चरम अवस्थाका कारण कारखानाहरूले समेत सास्ती खेप्नु परेको छ।
९४ मिलियन जनसङ्ख्या भएको सिचुआन प्रान्तले यस क्षेत्रमा विद्युत् अभाव कम गर्ने प्रयासमा अगस्टको मध्यमा सबै कारखानाहरूलाई ६ दिनका लागि बन्द गर्न आदेश दिएको थियो। जलाशयको स्तर घटेपछि र गर्मीको बीचमा वातानुकूलितको माग बढेपछि बन्द गरिएको फाइनान्सियल पोस्टले रिपोर्ट गरेको छ।
कारखानाहरू बन्द भएपछि चीनको मुख्य उत्पादन केन्द्रहरूमा चिन्ता बढेको छ। चीनका केही भागहरूमा पावर रासनले “सामान्य उत्पादन” लाई असर गरेको छ। यसबाहेक, गर्मीको लहरले देशको अर्थतन्त्रमा ठूलो प्रभाव पारेको छ किनभने चीनको स्टिल, रसायन र मल उद्योगहरू पहिले नै उत्पादनमा मन्दी अनुभव गरिरहेका छन्।
अमेरिकाको १५ प्रतिशत, रुसको ५ प्रतिशत र जापानको ४ प्रतिशतको तुलनामा चीनले कुल विश्वव्यापी कार्बन उत्सर्जनमा ३० प्रतिशतभन्दा बढी योगदान पुर्याउँछ।
