सडक निर्माणमा ढिलाई भएको भन्दै स्थानीयहरु आन्दोलित

राजविराज । सडक निर्माणमा ढिलाई गरिएको भन्दै राजविराज नगरपाकिला वडा नम्वर ६ र ७ को स्थानीहरु आन्दोलनमा उत्रेका छन् ।
आन्दोलनका कारण शनिबार १ घण्टा सो क्षेत्रको सवारी आवागमन प्रभावित भएको थियो । दशन चौक देखि राममन्दिर सम्म सडक निर्माणमा ढिलाई भएपछि स्थानीय आन्दोलित भएका हुन् ।
स्वतः स्फुर्त सडकमा निस्किएका युवाहरुले सडक निर्माणमा लापरबाही भएको भन्दै राजविराजस्थित दशन चौकमा प्रदर्शन गरेका हुन् । संघीय सरकार र स्थानीय सरकारको उदासीनताका कारण सडक निर्माणले गति नलिएको भन्दै उनीहरूविरुद्ध प्रदर्शनकारीहरूले नाराबाजी गरेका छन् ।