काठमाडौं । राजविराज –५ मा घर भाडा गरी बस्दै आएका एक जना एकल महिलालाई सकरपुराका आशिष सिंहले कुटपिट गरि घाइते बनाएको छ ।
समान्य घराईसी विवाद सृजना गरेर कसैको सहार नभएकी पुष्पा स्वर्नकारलाई सिंहका परिवारले कुटपिट गरेको स्थानियहरुले बताएका छन ।
कुटपिट बाट घाईते भएकी पुष्पा गजेन्द्र नारायण सगरमाथा अञ्चल अस्पतालमा भर्ना भई उपचार गराई रहेकी छिन ।
विगत १५ वर्ष देखी एकै स्थानमा बस्दै आईरहेकी पुष्पाको श्रीमानको मृत्यु भईसकेको छ ।
कसैको सहारा नभएका पुष्पा दिनभरी मजदुरी गरेर १२ बर्षिय छोराको पालन पोषन गरिरहेकी छिन ।
अस्पतालमा उपचार गराई रहेकी पुष्पाले भनिन्न सिंहको परिवाले विगत २ वर्ष देखी मलाई कुदृष्टीले हेरिरहेको र समान्य विषयमा पनि निहु खोजेर झगडा गर्ने कुटपिट गर्ने गरेको छ ।
जिल्ला प्रहरी कार्यालयमा सिंहको राजनितिक पहुच भएका कारण प्रहरीले खासै चासो नलिएको उनको आरोप छ ।
पैसा र पावरको भरमा उनले प्रहरीलाई प्रभाबमा पारेर आफु अनुकुल बनाएको समेत आरोप लगाए । पुष्पाले भनिन प्रहरी उल्टै आएर हामीलाई थर्काउने गरेको छ । मलाई कुटपिट गरेको देखेर मेरो १० बर्षिय छोरोको पनि मांसपेशी असर परेको , उसलाईपनि उपचारको खाचो रहेको छ । यता सिंहले परिवारलाई गालि गलौज गरेकोले आफनो श्रीमति संग समान्य झगडा भएको स्वीकारेका छन । आफुहरु परिवार जस्तै मिलेर वसिरहेका थियौ । तर पुष्पाको नराम्रो व्यवहारका कारण झगडा भएको र आफनो श्रीमतिलाई पनि कुटपिट गरेको सिंहले बताए । सिंहले भने हामी पनि कानूनी उपचारमा जान चाहन्छौ ।
अधिकारकर्मी तथा राष्ट्रिय एकता अभियानको उपाध्यक्ष सुनिता साहले घाइते पुस्पाको बारेमा जानकारी लिई न्यायका लागि आफुहरु पहल गरिरहेको बताईन । उनले भनिन हामिहरु अस्पाल पुगेर घाईतेको अवस्थामा बारे जाकारी लिई प्रहरीलाई जानकारी गराई सकेका छौ , अव हामी कानूनी प्रक्रिया अगाडी बढाउछौ ।
।
