नेपाल र मरिससबीचको मैत्रीपूर्ण खेलमा ३ खेलाडीलाई रातो कार्ड

काठमाडौं । नेपाल र मरिससबीचको दोस्रो मैत्रीपूर्ण खेल तनावपूर्ण बनेको छ । मंगलबार दशरथ रंगशालामा भएको खेलको ७१ औं मिनेटमा नेपालका पुजन उपरकोटी र मरिससका एड्रियन बोटलरले रातो कार्ड पाए । त्यस्तै ८० औं मिनेटमा मरिससका इमानुएल फलचन्दले रातोकार्ड पाएका छन् ।

खेलाडीबीच हात हालाहाल भएपछि रेफ्री नवीन्द्र महर्जनले तीन खेलाडीलाई रातो कार्ड दिएका हुन् । रातो कार्डका कारण दोस्रो हाफ केहीबेर तनावपूर्ण बनेको थियो ।

खेलको ११औं मिनेटमा सुजलले गोल गर्दै नेपाललाई अग्रता दिलाएका थिए । तर मरिससका खेलाडीले भने पाएको पेनाल्टी पनि सदुपयोग गर्न सकेनन् । नेपालका गोलकिपर किरण चेम्जोङले पेनाल्टी रोकेका थिए ।