एजेन्सी : भारतमा १४ वर्षपछि सलाईको मूल्य बढ्ने भएको छ । टाइम्स अफ इन्डियाका अनुसार अल इन्डिया चेम्बर अफ म्याचेजले आगामी डिसेम्बर १ देखि सलाईको मूल्य दोब्बर बढाउने निर्णय गरेको हो ।
अहिले भारतमा एउटा सलाईको मूल्य १ भारू पर्छ भने डिसेम्बरदेखि २ भारू पुग्नेछ । यसअघि भारतमा सन् २००७ मा सलाईको मूल्य बढाइएको थियो, त्यतिबेला ५० पैसाबाट एक रुपैयाँ पुर्याइएको थियो ।
उत्पादकहरूले सलाई बनाउन १४ वटा कच्चा पदार्थ आवश्यक पर्ने र ती सबैको मूल्य वृद्धि भएकाले सलाईको मूल्य पनि बढाउनु परेको बताएका छन् ।भारतको तमिलनाडुमा सलाई उद्योगमा ४ लाख मानिसहरूले काम गर्छन्, तीमध्ये ९० प्रतिशत महिला छन् ।
भारतमा पछिल्लो समय पेट्रोल-डिजेललगायत इन्धनको मूल्य बढिरहेका बेला आगो बाल्न चाहिने सलाईको मूल्य पनि बढ्ने भएपछि यसले सञ्चारमाध्यममा चर्चा पाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
