इस्लामावाद : पाकिस्तान सरकारका अनुसार अन्डरवर्ल्ड डन दाउद इब्राहिम, कराचीमा बसोबास गरिरहेको पाइएको छ ।
इस्लामावादले वर्षौंदेखि दाउद पाकिस्तानमा रहेको कुरालाई अस्वीकार गर्दै आएको थियो । सन् १९९३ मा मुम्बईमा भएको बम विष्फोटका लागि जिम्मेवार दाउदलाई पाकिस्तानले शरण दिइरहेको खुलेको हो ।
भारतले सन् १९९३ को बम विस्फोटका विषयमा कानुनको सामना गर्न दाउद भारत आउनुपर्ने भारतीय पक्षले बताइरहेको छ । भारतले पाकिस्तानलाई दाऊद इब्राहिमलाई हस्तान्तरण गर्न धेरै पटक अनुरोध गरेको छ ।
दाउद कराचीको व्हाइट हाउसमा रहेको पाकिस्तानी एक दस्तावेजमा उल्लेख गरिएको छ । संयुक्त राष्ट्र संघको सुरक्षा परिषदले जारी गरेको नयाँ सूचीको अनुसार पाकिस्तानले ८८ नेता र आतंकवादी समूहका सदस्यहरूमा प्रतिबन्ध लगाएको छ ।
उक्त सूचीमा दाउदसँगै जमात-उद-दावाका हाफिज सईद अहमद, जेएमका मोहम्मद मसूद अजहर र जकीउर रहमान लखवी रहेका छन् ।
सरकारले पाकिस्तानमा आतंककारीहरूको बैंक खाता र सम्पत्ति पनि कब्जा गरेको छ । उनीहरुलाई जहाजमा यात्रा गर्न पनि प्रतिबन्ध लगाइएको आर्य न्यूजले जनाएको छ ।
पाकिस्तान जून २००१ देखि ‘ब्राउन लिस्ट’ मा छ र सरकारले फेब्रुअरीमा बाँकी कार्य बिन्दु जून २०२० सम्म सम्पन्न गर्न अन्तिम चेतावनी दिएको थियो । एफएटीएफले जूनको म्याद सेप्टेम्बरसम्म बढाएको थियो । कोरोना भाइरसको संक्रमणले एफएटीएफको पूर्ण बैठकमा अवरोध पुर्याएपछि सेप्टेम्बरसम्म म्याद थप गरिएको हो ।
अक्टोबरमा पाकिस्तानले एफएटीएफको निर्देशन पालन गर्न असफल भएमा पेरिसस्थित निकायले इमरान खानको नेतृत्वमा रहेको देशलाई उत्तर कोरिया र इरानको साथमा “कालो सूची” मा राख्ने छ ।
