दिपेश देव जोशी
राजविराज । सप्तरीको बोदे बरसाईन नगरपालिकामा कार्यरत सव-इन्जिनियर अजय कुमार चाैधरीलाई नक्कली शैक्षिक प्रमाणपत्र पेश गरेर जागिर खाएको आरोपमा अख्तियार दुरुपयोग अनुसन्धान आयोगले छानबिन अघि बढाएको छ।
चाैधरीले वेस्टर्न रिजन क्याम्पस पोखराबाट प्राप्त गरेको प्रमाणपत्रको वैधता संकाको विषय बनेको छ, जसका कारण नगरपालिकाका केही कर्मचारीहरूबीच गोप्य जानकारी बाहिरिएको हो।
२०७५ कात्तिक ११ गते तत्कालीन निमित्त प्रमुख प्रशासकीय अधिकृत उमेश कुमार यादवले चाैधरीलाई बिना कुनै विज्ञापनको नियुक्त गरेका थिए। यो नियुक्ति प्रक्रिया र चाैधरीको शैक्षिक प्रमाणपत्रको विषयमा जनतामाझ चासोको विषय बनेको छ।
अख्तियारले छानबिन अगाडि बढाएपछि, नगरपालिकाले २०८१ पुस मसान्तमा चाैधरीको करार रद्व गरिसकेको भएपनि, चाैधरी अझै योजनाशाखामा कार्यरत रहेको पाइन्छ।
नगरपालिकाका प्रमुख प्रशासकीय अधिकृत गजेन्द्रनाथ शर्मा भन्छन्, “हामीले चाैधरीको करार रद्व गरेका छौं, तर उनी अहिले पनि काम गरिरहेका छन्। यस विषयमा छानबिन भइरहेका कारण हामी थप कदम चालेका छैनौं।”
वडा अध्यक्ष किरण साहले चौधरी सब इन्जिनियरकै हैसियतमा अहिले पनि काम गरिरहेको बताए । अध्यक्ष साहले कानुन बिपरित काम गरिरहेका चौधरीलाई नगरपालिका प्रशासनले संरक्षण गरिरहेको अरोप लगाए।
यो घटनाले सार्वजनिक सेवा क्षेत्रको पारदर्शिता र अख्तियारीताका सवाल उठाएको छ। नेपाली कांग्रेसका स्थानीय युवा नेता राजकिसोर यादवले भने, “सार्वजनिक सेवामा नक्कली प्रमाणपत्रको प्रयोग हुनु गम्भीर समस्या हो। यसले अन्य योग्य व्यक्तिहरूको अवसरलाई पनि प्रभावित गर्न सक्छ।”
विभिन्न स्रोतका अनुसार, चाैधरीको प्रमाणपत्रको विषयमा नगरपालिकामा चर्चा शुरु भएपछि चाैधरीलाई तत्कालीन प्रमुख प्रशासकीय अधिकृतको समर्थनमा भर्ना गरिएको भनिएको छ। यसलाई लिएर स्थानीय राजनीतिकर्मीहरूको पनि चासो बढेको छ।
अख्तियार दुरुपयोग अनुसन्धान आयोगका एक अधिकारीले भने, “हामीले यस विषयमा गम्भीर छानबिन गरिरहेका छौं। नक्कली प्रमाणपत्रको प्रयोग गर्ने कुनै पनि व्यक्तिलाई कानूनी कारवाही हुनेछ।”
सार्वजनिक सेवामा नक्कली शैक्षिक प्रमाणपत्रको प्रयोगको घटना देशभरि नै चर्चा र आलोचनाको विषय बन्ने निश्चित छ। यस घटनाले एकपटक फेरि स्थानीय सरकारको सुशासन र पारदर्शितामा प्रश्न उठाएको छ र यस विषयमा आवश्यक सुधारको आवश्यकता रहेको कुरा सबैले चिर्न आवश्यक छ।
