राजविराज । ड्युटीमा खटिएका नेपाल प्रहरीमाथि भारतीय पक्षले आक्रमण गरेका छन् । बिहीबार साँझ गरिएको आक्रमणमा तीन जना प्रहरी घाइते भएका छन् ।
जिल्लाको डाकनेश्वरी नगरपालिका ३ हटैलस्थित नेपाल भारत सिमामा भारतीय पक्षले प्रहरीमाथि आक्रमण गरेका हुन ।
आक्रमणमा परी एक जना हवल्दार र दुई जना जवान घाइते भएका छन् । हवल्दार र एक जना जवानको पातोस्थित अस्पतालमा र एक जवानको राजविराजस्थित अस्पतालमा उपचार भइरहेको सप्तरी प्रहरीका प्रवक्ता एवं डीएसपी ढुन्डीराज नेउपानेले जानकारी दिए ।
भारतबाट नेपाल आउन लागेका भारतीयको चेकिङ गर्न लाग्दा पारी भारतको महादेवा गाउँका बासिन्दाले आक्रमण गरेको उनको भनाई छ ।
अहिले अवस्था सामान्य भएको र यसबारेमा भारतीय प्रहरीसँग समन्वय भैरहेको डीएसपी नेउपानेले जानकारी दिए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
