हरिणको ताजा मासु र हतियारसहित एक व्यक्ति पक्राउ

राजविराज । सप्तरी प्रहरीले मृग (हरिण) को ताजा मासु र हतियारसहित एक व्यक्तिलाई पक्राउ गरेको छ ।

उनलाई हनुमाननगर कंकालिनी नगरपालका वडा नम्बर ८ स्थित बैष्णेदेवी मन्दिर नजिकैबाट गएराति ३ बजेतिर पक्राउ गरिएको जिल्ला प्रहरी कार्यालय, सप्तरीले जनाएको छ ।

पछाडी ढाडमा हतियार राखी दुई वटा बोरामा मासु लिई बसिरहेको अबस्थामा उनी भेटिएका हुन् । शरीर तलासी गर्दा उनको साथबाट एक थान.२२ बोर मेगनम (राईफल), त्यसमा प्रयोग हुने ४१ थान गोल? २ थान म्योगिजिन र १ थान गन स्टेन भेटिएको सप्तरी प्रहरीका प्रबक्ता एवं डीएसपी ढुण्डीराज न्यौपानेले जानकारी दिए ।

मृगको मासु दुई वटा बोरामा ३५ किलो भेटिएको उनले बताए ।

झालाई नियन्त्रणमा लिई थप अनुसन्धानको लागि जिल्ला डिभिजन बन कार्यालय राजविराजको जिम्मा लगाइएको प्रहरीले जनाएको छ ।