जनकपुरधाम । प्रदेश २ सरकारमा नेकपा माओवादी केन्द्रको इन्ट्री भएको छ ।
आन्तरिक मामिला तथा सञ्चार मन्त्रालय लिएर नेकपा माओवादी केन्द्र प्रदेश २ सरकारमा सहभागी भएको हो ।
मुख्यमन्त्री लालबाबु राउतले माओवादी केन्द्र संसदीय दलका नेता भरत प्रसाद साहलाई आन्तरिक मामिला तथा सञ्चार मन्त्री र रुबी कर्णलाई राज्यमन्त्रीमा नियुक्त गरेका हुन् ।
शनिबार अपराह्न एक मधेश भवनमा एक समारोहबिच नव नियुक्त मन्त्री साह र राज्यमन्त्री कर्णले पद तथा गोपनियताको शपथ लिएका छन् ।
मन्त्री साहलाई प्रदेश प्रमुख राजेश झाले सपथ ग्रहण गराएका छन् भने राज्यमन्त्री कर्णलाई मुख्यमन्त्री राउतले ।
माओवादी केन्द्रलाई सरकारमा सहभागी गराउनका लागि जसपाबाट आन्तरिक मामिला तथा सञ्चारमन्त्री रहेका ज्ञानेन्द्र कुमार यादव र आन्तरिक मामिला तथा सञ्चार राज्यमन्त्री रहेका सरोज सिंह कुशवाहाले आजै बिहान राजीनामा दिएका थिए ।
