काठमाण्डौं : नेपाल सरकारद्वारा सुर्य पुजनको पावन दिन काठमाडौ र देशका अन्य भागका पोखरीहरू नखोल्न आएको निर्देशन प्रती राष्ट्रिय एकता अभियानको ध्यानाकर्षण जनाएको छ ।
अभियानले प्रेस बिज्ञपति जारी गर्दै सरकारको यो कार्यले सम्पुर्ण नेपालीहरूको भावनामाथीको कुठाराघात मात्र नभई धर्म संस्कृतिमाथी ठाडो योजनाबद्ध प्रहार रहेको बताएको छ । अभियान सरकारले यस्तो गर्नुको पछाडी विदेश बिधर्मी शक्तिको दवाब हुन सक्ने ठहर समेत गरेको छ ।
राजनैतिक दलका आमसभाहरू र प्रधानमन्त्रीकै समर्थनमा निकालिएका जुलुसहरू निर्बाध रूपमा भईरहदा छ्ठ पुजाको लागि पोखरीहरू बन्द गर्ने गराउने कार्य हुनुको अर्थ के भन्दै अभियानले सरकारसङ्ग प्रष्टीकरण माग गरेको छ ।
अभियान काठमाडौलगायत देशभरीको पोखरीहरू खोल्न तथा नदीका घाटहरूमा स्वास्थ सर्तकताका छ्ठ मनाउने वातावरण मिलाउन माग गर्दै त्यसो नगरेको खण्डमा आमजनमानसले देशका सबै पोखरीहरूलाई नियन्त्रणमा लिइ छ्ठ पर्व मनाउने चेतावनी पनि दिएको छ ।
