आत्महत्या सम्बन्धी दृष्टिकोण बदलौ नाराका साथ आज विश्व आत्महत्या रोकथाम दिवसमा सिरहा जिल्लाका संघ संस्थाले विभिन्न कार्यक्रम आयोजना गरी मनाएका छन् । लहान नगरपालिकाको आयोजना र ईलाका प्रहरी कार्यालय लहान, समग्र जन उत्थान केन्द्र लहान, दलित जन कल्याण युवा क्लव, सिएमसी नेपाल, टीपीओ, मुक्ति नेपाल, अपाङ्ग पुनस्र्थापना केन्द्र, जिवन ज्याती समाज र इन्सेक लगायतका संस्थाहरुको समन्वयमा लहानको दुर्गा मन्दिरबाट र्याली निकाली पशुपती मावि विद्यालयको प्राङ्गनमा कोण सभा गरी सम्पन्न भएको हो ।
आत्महत्या गरेका ज्ञात अज्ञात व्यक्तिको सम्झनामा लहानको शहिद चौकमा साँझ दिप प्रज्वलन समेत गरेका छन् ।
यसै गरी सिरहा नगरपालिका, जिल्ल प्रहरी कार्यालय सिरहा, समग्र जन उत्थान केन्द्र, मुक्ति नेपाल, दलित जन कल्याण युवा क्लव, सिएमसी नेपाल, टीपीओ, अपाङ्ग पुनस्र्थापना केन्द्र, जिवन ज्याती समाज र इन्सेक लगायतका संस्थाहरुको आयोजनामा सिरहाको सदरमुकाममा समेत र्याली निकाली जिल्ला समन्वय समितिको हलमा अन्तरक्रिया कार्यक्रम गरी मनाएका छन् ।
