अबु धाबी [युएई] । प्रधानमन्त्री नरेन्द्र मोदीले युएईका उपराष्ट्रपति र प्रधानमन्त्री तथा दुबईका शासक शेख मोहम्मद बिन रसिद अल मकतूमसँग द्विपक्षीय भेटवार्ता गरेका छन्।
दुबईमा यूएईका उपराष्ट्रपति र प्रधानमनत्री @HHShkMohd लाई भेटेँ। व्यापार र लगानी, प्रविधि, शिक्षा र जनतासँगको सम्बन्ध लगायत द्विपक्षीय सहयोगका विस्तृत क्षेत्रहरू छलफलमा समेटिएको थियो,’ भारतीय विदेश मन्त्रालयले गरेको ट्विटमा भनिएको छ।
प्रधानमन्त्री मोदीले अबु धाबीमा बीएपीएस हिन्दू मन्दिरको उद्घाटन गर्न संयुक्त अरब इमिरेट्सको औपचारिक भ्रमण गरेका थिए। उनले बीएपीएस हिन्दू मन्दिरको उद्घाटन गर्नुअघि विश्व सरकार शिखर सम्मेलनलाई सम्बोधन गरेका थिए।
यूएईका उपराष्ट्रपति शेख मोहम्मद बिन रसिद अल मकतूमको निमन्त्रणामा प्रधानमन्त्री मोदीले दुबईमा आयोजना हुने विश्व सरकार शिखर सम्मेलन २०२४ मा सम्मानित अतिथिको रूपमा भाग लिएका हुन्।
यसअघि आज प्रधानमन्त्री मोदीले अबु धाबीमा मेडागास्करका राष्ट्रपति एन्ड्री राजोएलिनासँग द्विपक्षीय भेटवार्ता गरेका थिए। प्रधानमन्त्री नरेन्द्र मोदी र यूएईका राष्ट्रपति मोहम्मद बिन जायद अल नाह्यानले द्विपक्षीय बैठक भयो उनीहरूको उपस्थितिमा धेरै समझदारीपत्रहरु (एमओयू) आदानप्रदान गरिएको थियो।
